各位好....新手啱啱買左二手天文鏡

[dickdick]

赤道儀似大陸造的GP5


來自: 台灣曹大貓

如果是智通造的或晶華做的, 電線接口應在黑盒底部。

但應有個控制馬達用的手掣。

Thanks C 兄資料

幾相似...不過冇左下面Azimuth Adjustment Knobs. 會唔會好大問題?


我都估到係國產....唔係點會咁平....不過用落又真係好實淨,好穏陣下...C130都幾重...裝左上去佢都幾定. 如果用返我D相機腳架(3KG重果種),都唔係好頂得住...shutter release 時都震. 上左呢套腳同赤道儀就冇咩震.

修正:
呀...sorry....記返起...係有呢個adjustment knobs, 不過係左右兩支長螺絲頂住中間個頂位(腳架上), 就係咁樣???


咁C兄, 知唔知邊到有呢set motor control 買?

[kingyo]

我都認同鄧Sir睇法，似晶華多。

以下是一啲有可能合用的方案：
1) 晶華的DK-3A http://www.hkastroequipment.com/product ... prod_no=63
2) Vixen (#3752 non-goto motor MT-1 WT )x2 + (#37911 Non-goto dual-axis controller DD-3 ) http://william-lt-ng.com/Tats_home.htm

請注意：合唔合用在於縲絲位岩唔岩，我試過用內地一啲產品，就算規格叫做一樣，但係縲絲位的長短及盒仔的大小只差幾mm。最尾就攪左我成半日，又要磨又要鋸。

[dickdick]

Thanks C 兄，

已加相。

諗諗吓。而家睇黎要加嘢好可能好大陣象。不如玩吓先，到自己真係想玩深d....先再一炮過買個好d 。。。咁係咪會好d..哈哈

[johncamposhk]

最好搵日出來
比大家睇下研究下

[鄧登凳]

相中見未有馬達, 要加配最好找原廠, 那向賣家查詢吧。

目視手動追蹤也不太難, 反正馬卡鏡也不宜用來拍深空。

[dickdick]

最好搵日出來
比大家睇下研究下

我都想出黎大家研究吓，不過攞呢set 嘢出黎真係好金吓，小弟冇車。

[dickdick]

相中見未有馬達, 要加配最好找原廠, 那向賣家查詢吧。

目視手動追蹤也不太難, 反正馬卡鏡也不宜用來拍深空。

我其實只係想影下月亮，土星同木星，一圓小學時的夢想。

[kingyo]

影月亮就唔駛追啦，個快門幾百分之一就得啦，不過一次過影唔晒個月亮(影上下弦都ok)。

土星木星就要追一追啦，因為你會影Video做Stacking.

不過影之前要Check 一Check 個光軸。
雖然好多大馬卡都係調左一次就唔駛成日再調光軸(呢個同施卡就差好遠)，但我見過好多支Meade既ETX90都係光軸有問題。
而且個設計重係煩到差唔多要拆晒支鏡黎調光軸，我唔知道C130有無咁煩。
Anyway, 總之影之前要Check清楚先。如果唔係就浪費左一晚，因為呢排都唔係成日咁好天。好天係呢幾個月好寶貴。

金魚

[Wah!!]

極軸有手動微調的話, 可以目視使用一段時間再考慮加馬達.
不過其實最好都係直接配一套馬達, 一勞永逸.

[dickdick]

kingyo C 兄,
多謝你的意見....小弟都唔識呢樣嘢...會上網search 多D資料, 搞唔掂再黎問各位C兄指點指點.

Wah!! 兄,
同意....不過小弟暫時銀兩有限....都係睇定D先...反正套赤道儀同腳都係國產....都係無謂花錢去"upgrade"佢...儲下錢第時真係想玩深D再諗下買套好D.....不過我都唔知呢set嘢極軸算唔算有得微調....只係有口長螺絲可以轉轉下, 升高降低極軸....左右似乎就冇.

[Wah!!]

20140408_210447.jpg 入邊個黑色輪應該係轉動極軸的微調, 你確認下.

有馬達同無馬達係兩個世界, 如果你目視一輪再買, 就會好後悔, 後悔點解唔早d買 XD

[dickdick]

20140408_210447.jpg 入邊個黑色輪應該係轉動極軸的微調, 你確認下.

有馬達同無馬達係兩個世界, 如果你目視一輪再買, 就會好後悔, 後悔點解唔早d買 XD

Wah!! C兄,
哦..sorry...我未搞清楚d terms.... 頭先再search 過資料....

係, 果兩個大輪係control 上面果組(極軸啦我相信), 而幅圖右下角果兩個輪仔係固定成個赤道儀響腳上面, 只係可以少少調整.
而右下角有兩口長螺絲申左出黎係control 上下移動....但係唔順. 想問問...其實呢兩口螺絲係對好左北極星之後唔會再調整係米? 跟住就全程只調較上面果兩個大輪去追星? (我有冇理解錯?) Thanks Thanks~

[kingyo]

今日勁好天，唔好浪費。不如今晚出動啦。
依家個月好靚。
今日又係火星衝。
入黑有木星，夜啲又有土星。

真係正呀。
今晚唔睇等幾時?

[dickdick]

今日勁好天，唔好浪費。不如今晚出動啦。
依家個月好靚。
今日又係火星衝。
入黑有木星，夜啲又有土星。

真係正呀。
今晚唔睇等幾時?

會! 今日一定會試吓支鏡!!!
好耐之前玩過果D鏡唔係好得,月亮都睇得唔清楚....@_@"


update:
而家on the way home, 唔知係唔係操勞得濟眼花，我見到有d雨粉
~_~

update:
啱啱返到屋企，我屋企向東北偏東，月亮響頭頂@_@，睇唔到
而且多雲~"~
只見偏藍方向有aldebaran 呢粒。食完飯睇吓個天會唔會清d


唉…成個天都係雲 >"<

[冰鮮人]

有啲似CG-5,若果同款,vixen應該合用
黑盒應該係馬達保護蓋之類,盒底圓孔係for連接馬達的cable穿出
兩個大輪似係講赤經同赤緯把手
兩個活動範圍好少嘅應該係控制東西偏向,要先鬆一邊,再擰另一邊,可以再鬆少少鎖死赤道儀底坐粒大螺絲會易轉啲
控制仰角(上下移動)條長螺絲唔順試吓加啲油,但要留意當你將個黑盒裝回原位時會唔會頂住去唔到香港緯度,我個CG-5要折走前面條長螺絲先用到

加多句,買個攝像頭,幾百到千幾,加埋馬達先有機會高倍影月球同行星