到了! 到了! 我們已經上了第五課了! 已經有三位同學仔倒模了, 記得呀, 你
們多了一個星期時間, 一定要好好的拋光啊! 有甚麼問題, 即管在這裡發問啊!
其他的同學仔, 下一課一定要快快完成了, 可以的話, 最好在上午就倒模, 下
午可以開始拋光. 因為拋光過程不簡單, 也可能需要四五個小時的工作時間,
所以啦, 多點時間在太空館拋光, 多點問問題, 會比較好啦.
現在先post一些相片, 下面再教你們如何在家裡拋光吧.
天文望遠鏡製作 2010 (實習堂 - 第五課) 20 June 2010
拋光方法.
From 豆貓
From 豆貓
- 開拋光粉:
拋光粉:水 = 1:1 至 1:2
濃0的拋光拋得快0的.
拋光前:
記住要確保個模同塊鏡吻合後才開始拋. 嚴重唔吻合就用熱水浸完熱壓 5-10 分鐘. 唔太嚴重可以試冷壓半個至一個鐘.
如熱壓吻合後, 但塊鏡未凍晒都唔好開始拋住, 個模未凍透太軟, 易出狗餅.
拋光:
落拋光粉, 然後用返你磨 1200 號0既手法拋光, 起初會有少少啜, 拋拋下模會順.
唔需要好大力咁拋, 拋到拋光粉開始乾0既時候就加返0的拋光粉, 每轉唔好拋多過半個鐘.
如拋拋下覺得塊鏡發熱就要停, 然後加拋光粉冷壓佢三四個字/直至佢凍返.
注意: 每轉拋完或冷壓完都唔需要洗走拋光粉.
如此拋拋壓壓, 直至拋到光晒為止.
如何知道鏡夠光未? 可以用超光 LED 照落塊鏡度睇返反光, check 下鏡面有冇砂眼.
最後由 layanata 於 週一 21 6月, 2010 23:14 編輯,總共編輯了 1 次。
From 豆貓
- 吻合有兩種方法睇:
1. 睇拋光粉在模上的均勻度
落拋光粉溶液在模上, 放塊鏡上去卒勻佢.
如每個格仔一樣的顏色, 就為之吻合, 如中間有些格仔淺左色(拋光粉的肉色)
即係有空隙俾拋光粉流到入去, 亦即表示個模0既果個位置凹左.
e.g. 這是已吻合的瀝青模, 每個格仔都一樣顏色.
2. 睇模上的顏色
拋一陣之後, 拎開塊鏡, 拎個模去沖沖水, 睇下模上的格仔顏色.
剛剛倒好模0既瀝青係黑色的, 但拋拋下光, 拋光粉接觸到瀝青的位置會變成啡色.
如模上的格仔有些是啡色, 有些是黑色的, 即未吻合.
黑色那些地方 = 未有被拋光粉拋到, 即是模凹左0既地方.
e.g. 這個模未吻合, 中間黑色未拋到 = 模中間凹左. (呢個模0的坑唔夠深, 應該係熱壓後壓到0的坑扁晒...)
誰在線上
正在瀏覽這個版面的使用者:沒有註冊會員 和 23 位訪客