望遠鏡問答 - 長焦鏡好還是短焦鏡好?

[Wah!]

經常會聽見有人問以下問題:
長焦鏡好還是短焦鏡好?
高倍好還是低倍好?

各位有何看法?

[layanata]

有冇可能有變焦?

[阿鏗]

我會覺得長有長o既好，短有短o既好。
短o既最好當然係攜帶o個個問題啦，而同一個目鏡短焦會開o左倍數較少。唔太適合睇行星。
而長焦就o巖o巖相反，仲有長焦o既鏡色差、反射鏡中o既副鏡遮光都會較少。所以長焦都有長焦o既好處呢！

高倍，用處不太大，因為恆星太遠，放多幾多倍都係得一點。而星雲、星團等等又視場闊，高倍只會睇唔曬成個目標。所以較適合睇行星。
而低倍就方便d ，易搵目標...

[豆豸苗]

有冇可能有變焦?

換目鏡咪變焦0羅~
我知道有0的 spotting scope 有得變焦~

[Wah!]

spotting scope的"變焦"係目鏡焦距改變,使倍率改變.
但係layanata講的應該係主鏡焦距改變.
我估主鏡要做到焦距改變唔容易,因為要控制色差同埋場曲等像差,所費不菲.
假如真係要搵一個變焦物鏡,現成的可以用相機的變焦鏡頭.

[Wah!]

先講講"高倍好還是低倍好",其實高低倍是根據觀測的需要而定.
例如是行星的觀測,希望能把行星的表面地貌看清,當然需要高倍啦!
而對於在天空佔範圍較廣的,例如M31,中低倍(甚至只是雙筒鏡)會看得更明亮.
極端的情況是星座和流星雨的觀測,由於範圍太廣,望遠鏡視場狹窄得根本無法使用,所以要用的倍率便是一倍----目視觀測!


"長焦好還是短焦好"亦同樣根據需要而定.拿磨鏡班為例子吧:
對於相同的目鏡,長焦主鏡會有較高倍率,因為: 倍率=物鏡焦距/目鏡焦距
所以想要高倍的同學,便應磨長焦一點.想要視野廣闊的便要磨短焦一點.

磨長焦鏡的好處是磨走的玻璃較少,而且球面差較少,即使只磨成球面,未能拋物面化也對像質影響較少.
短焦鏡需要在研磨時化較多功夫磨走玻璃和進行拋物面化,但是由於鏡身短,在日後使用上卻比長焦鏡更加輕便.